波盘王爆料前线-->蘋果贴士1
蘋果贴士1
[波盘王爆料前线] [回复] [编辑] [删除] [关闭] [浏览次]

用户名: 波盘王1
夏日求驗客:皇馬喉舌報都忍唔住要P圖
網民鬧爆發福夏神
皇馬球員度過一個短暫假期後,禮拜一已經陸續返到皇馬基地做體測,而西班牙傳媒《阿斯報》都喺報紙封面刊登咗皇馬球員大堆頭迎接新球季嘅相,仲將一億歐元(約8.8億港元)新兵夏薩特放喺正中間位置,但眼利嘅網民好快發現到,原來夏神個頭係拼接咗落去隊友賓施馬嘅身體上面,可能大家都奇怪,堂堂《阿斯報》點解要惡搞夏神呢?夏神個真身去咗邊呢?

大家都知道,《阿斯報》係皇馬嘅喉舌報章,冇理由要惡搞自己撐嗰隊波嘅球員,係搞都搞死敵巴塞先喇!外界就揭露佢哋咁做反而係想幫皇馬,原來夏神個身形真係唔見得人,喺體測嗰陣發現體重超標,正所謂「家醜不得外揚」,所以《阿斯報》就將夏神個頭拼落身形比較弗嘅賓施馬度,先可以顯示出呢位成一億歐元嘅天價新兵冇咁肥,以免成為笑柄。

太肥要借賓施馬過橋
只不過,大家都知家陣啲網民有幾咁犀利,好似我哋香港班連登仔,起人底分分鐘仲快過班警察,西班牙網民就發現點解啲身體姿勢同賓施馬體測嗰張咁似,結果件事好快就穿煲,喺球迷間引起熱烈討論:「我哋居然用一億歐元買咗個肥仔夏神?」、「夏神係點樣喺一個月之內變到咁肥?」其實都唔怪得佢,球季完咗可以放假,自然會去享受吓,可能咁就操少咗,肥咗都唔係唔可以接受,但睇嚟夏神都要快快手收身,先可以令班球迷對佢改觀。


訓練留力身形易走樣
其實以前夏神喺車路士嘅時候,佢嘅身形亦一直俾球迷討論。上季車仔喺歐霸盃決賽以4:1擊敗阿仙奴,大衛雷斯賽後直播慶祝嗰陣,就喺鏡頭前揭起夏神件衫,笑吓佢個肚腩仔。夏神過去亦講過因為想避免受傷,自己會喺訓練時會留力,去到比賽先搏盡,未知係咪因為咁,所以個身形易走樣呢?

另外,皇馬喺周二亦公佈咗美洲之旅季前熱身賽嘅29人大軍名單,除咗肥夏之外,其他新兵盧卡祖域、費蘭特文迪、洛迪高高斯,仲有日本小將久保建英都榜上有名,連有傳球會一直希望清洗嘅加里夫巴利都入選,大軍亦已經出發。29人大軍裏面,只缺啱啱踢完美洲國家盃嘅卡斯米路、費達歷高華維迪、占士洛迪古斯同埋新兵艾達米列達奧。

 

 
本贴于2019/7/11 8:47:06在波盘王爆料前线发表.

快速回复:
用户名
密码
主题
内容 [+] [-]
图片链接

郑 重 声 明
1. 任何言论纯属作者个人观点,与本站无关;
2. 禁止发表反动、色情和其他违反国家法律、法规的言论、信息;
3. 禁止利用本论坛进行赌博、非法买卖等违法行为;
4. 禁止发表恶意攻击他人的言论;
5. 任何转载或转贴都应注明真实作者和真实出处;
6. 禁止发表任何涉及政治、军事、外交等内容的言论;