波盘王爆料前线-->賽前分析3
賽前分析3
[波盘王爆料前线] [回复] [编辑] [删除] [关闭] [浏览次]

用户名: 波盘王
阿特蘭大國米大駁火
衝歐聯「4強混戰」
意甲將於周六及周日舉行最後1輪聯賽,焦點一定係今晚「4強混戰」阿特蘭大主場對國際米蘭、拿玻里主場對拉素。值得留意,國際米蘭、阿特蘭大及拉素已肯定以前4名過終點,但原來第4位唔一定可以穩袋下屆歐聯入場券,今輪仲要全力搏殺搶分。

「梗頸四」隨時要踢歐霸
根據歐洲足協規定,一個聯賽喺單季最多只有5支球隊可參與歐聯,由於拿玻里、羅馬已分別打入今屆歐聯及歐霸盃16強,極端情況下,如果兩隊都奪冠,就攞咗下屆兩個歐聯席位,導致今季意甲只有頭3名先可以參加下屆歐聯,所以聯賽「梗頸四」,情況就好尷尬。

除咗冠軍祖雲達斯鎖定歐聯資格外,排第3、4嘅阿特蘭大及拉素同得78分,只落後2哥國際米蘭1分咁大把,邊隊成為「梗頸四」,仲有變數,特別係阿特蘭大主場對國際米蘭,勝負非常關鍵。

阿特蘭大攻擊力冠絕意甲,37場攻入98球,今場除咗想贏波保住三甲地位之外,仲要把握煞科戰最後機會,突破百球大關,勢必主攻。國際米蘭亦唔可以退讓,陣中擁有星級射手盧卡古、拿達路馬天尼斯、阿歷斯山齊士,有本錢同阿特蘭大駁火,加上國米近5場聯賽作客總入球都達3球或以上,可追中位數2.5球嘅入球大。

(myTV Gold 302、Now 639、有線655及615及601台周日凌晨2時45分直播)

拉素追打拿玻里
另一場拉素作客拿玻里,拉素亦有雙重任務,一來要爭取贏波,打入前3位,二來前鋒恩莫比尼只要入1球,就可以追平希古恩喺2015/16年球季創下嘅36球意甲單季最多入球紀錄,甚至希望爭取入2球,一舉打破紀錄,隊友們一定會盡力為佢創造入波機會。

拿玻里篤定排第7位,故今場只屬例行公事,應該會留力踢8月9日凌晨歐聯16強次回合作客巴塞隆拿,捧拉素客勝為妙。

 

 
本贴于2020/8/1 9:20:18在波盘王爆料前线发表.

快速回复:
用户名
密码
主题
内容 [+] [-]
图片链接

郑 重 声 明
1. 任何言论纯属作者个人观点,与本站无关;
2. 禁止发表反动、色情和其他违反国家法律、法规的言论、信息;
3. 禁止利用本论坛进行赌博、非法买卖等违法行为;
4. 禁止发表恶意攻击他人的言论;
5. 任何转载或转贴都应注明真实作者和真实出处;
6. 禁止发表任何涉及政治、军事、外交等内容的言论;