曼聯好消息　杜曹歐聯停賽

曼聯剛在英超遭受重創，1比3慘敗於白禮頓腳下，全隊上下被批評到體無完膚，嚟緊歐聯分組賽展開，曼聯將要作客硬撼拜仁慕尼黑，不過呢場波都有利好消息，就係杜曹停賽。

據報道，杜曹今場歐聯將要停賽一場，無緣現場指揮，到時拜仁臨場調動交由助教盧奧同安東尼巴里負責，呢樣亦可能係曼聯難得嘅好消息。

杜曹被罰停賽係因為佢上屆歐聯8強次回合拜仁主場對曼城期間，因為向球證投訴過激被趕上看台，並須接受停賽一場嘅處罰，今場對曼聯要坐波監。

其實杜曹當日行為確實過於衝動，事關拜仁首回合作客曼城已經輸咗0比3，返主場對曼城都好難收復失地，結果賽和1比1，總比數輸1比4出局，杜曹喺出局無法改變下再被罰係毫無意義，結果益咗曼聯，到時睇吓曼聯同坦哈格能否把握呢個機會搵到着數。