熱刺利物浦搶拉芬夏　願以主力交換

巴塞隆拿巴西翼鋒拉芬夏比洛尼突然成為搶手貨，英超雙雄熱刺及利物浦齊齊表示興趣，除咗畀轉會費，仲願意以陣中主力交換，熱刺打算讓出基斯甸羅美路，利物浦就用路易斯迪亞斯進行交易。

西班牙《每日體育報》及《Fichajes》報道，今季為巴塞上陣11場交出2球3助攻嘅拉芬夏比洛尼，一直並非沙維嘅正選心水人選，隨時可以出售，標價7,000萬歐元(約5.96億港元)。

熱刺打算簽入該26歲翼鋒，但又冇咁多現金，打算以阿根廷國腳基斯甸羅美路加錢交易；利物浦認為拉芬夏比洛尼係穆罕默德沙拿嘅最佳代替人選，打算以哥倫比亞國腳路易斯迪亞斯進行交易，路易斯迪亞斯曾自稱係巴塞球迷，相信對交易有幫助。